Pramuka Saiketan

Pramuka Saiketan

Pramuka Saiketan

Pramuka Saiketan Ngawitan makalangan di Kabuyutan Braga – Jalan Braga No. 43 Bandung anu kaleresan diliput ku I-Channel (TV Lokal Bandung) dinten Saptu kaping 23 Februari 2013. Réngréngan Pramuka anu jumlahna 26 urang ieu mangrupakeun Regu  Pramuka SMP PGRI Pameungpeuk – Banjaran anu dirojong pinuh ku Bapak Dadang Rohyana salaku Pembina Pramuka tur Kelapa Sakola.

Numutkeun Bapak Dadang Rohyana anu biasa di sebat Ki Dadang, ngawitan aya ideu hoyong ngadamel kreasi anyar dina widang ngawanohkeun iket ieu nyaéta ku rasa reueus ningal anak didikna resep tur hoyong diajar nganggo iket, kaleresan Pramuka di SMP PGRI Pameungpeuk nuju meujeuhna euyeub tur dipikaresep ku muridna. Regu Pramuka ieu mintonkeun kreasi metakeun masang rupa iket Barangbang Semplak dibarengan ku “Baris berbaris” anu ilaharna dilakonan ku Pramuka.

Salajengna Pramuka Saiketan ieu minton deui dina acara ngareuah-reuah “Ulang Tahun Konferensi Asia Afika ka-58” anu midang di sapanjang jalan Braga payuneun gedung New Majestic pengkereun Gedung Asia Afrika Bandung dinten Saptu kaping 21 April 2013. Dina kréasi acara ieu rupa iket anu dipintonkeun langkung seueur, diantawisna : Barangbang Semplak, Parékos Jéngkol sareng Makutawangsa,  formasi baris-berbaris ogé langkung ahéng deui, formasi ieu dipirig ku kawih ‘Pencak Sabilulungan’.

Dina salah sawios foto anu dipintonkeun katingal salah saurang anggota ngalereskeun iket anggota anu lian, ieu mangrupa bukti yén Sabilulungan / Gotong Royong di kalangan Pramuka tur Urang Sunda masih aya. Ieu anu ngajadikeun simkuring leuwih kataji ku Regu Pramuka Saiketan ieu.

Numutkeun simkuring anu ningal langsung, ieu mangrupakeun hal anyar anu kreatif tur ahéng dina ngawanohkeun tur ngamumulé Iket Sunda ka balaréa. Mugia hal ieu tiasa janten panggeuing tur diturut ogé ku pramuka-pramuka anu lian, malihan kahoyong simkuring mah ku sadaya masyarakat tur inohong Sunda anu reueus kana budaya sunda, diantawisna Iket Sunda.

Pramuka Saiketan 1602162_10200132166621272_309220574_nPramuka Saiketan 2Pramuka Saiketan 5
Pramuka Saiketan di Kabuyutan Braga

Pramuka Saiketan 3
Pramuka Saiketan di Ulang Taun Konferensi Asia Afrika


Budaya Sunda : Ti Urang – Ku Urang – Keur Balaréa
Cag

Posted on April 23, 2013, in Budaya Sunda. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: