Rupa Iket – Barangbang Semplak

Cara - Barangbang Semplak

Cara Meungkeut Iket Barangbang Semplak

HARTI

Mangrupakeun rupa iket RÈKAAN BAHEULA. Disebut rékaan baheula, sabab tibaheula nepi ayeuna urang masih apal tur masih ngadangu nami BARANGBANG SEMPLAK, anu pasti rupa iket ieu tos dianggo tibaheula kénéh, mung teu apal persis tauh iraha mimiti aya na.
Barangbang  = Watang daun kalapa atau kawung
Semplak = Téréh potong / murag (geus garing kolot ku umur), mung  masih napel dina tangkalna
Janten maksad BARANGBANG SEMPLAK =  Bagéan dari watang daun kalapa / kawung anu téréh potong / murag , mung masih  napel dina tangkalna.

 

PANEMPATAN PAMAKÈ

Rupa iket ieu dina sababaraha urang atanapi wewengkon sok dilarapkeun sareng JAWARA. Saenyana harti tina sebutan JAWARA ieu henteu salawasna kudu dikaitkeun sareng adu jajaten,  mun sebatan dina istilah basa sunda hartina nyaéta  luhung atanapi pinunjul dina widang na sewang-sewangan.
Conto panempatan basa : JAWARA DOMBA ADU = Pinunjul dina widang domba adu, JAWARA MANCING = pinujul dina widang mancing / nguseup, tur sababaraha harti JAWARA lianna. Namung kiwari JAWARA anu paling kainget  dian pamikiran urang nyaéta JAWARA anu aya patula-patalina sareng Kadugalan tur gaduh sifat Buhun / Baheula, oge ngagaduha KASAKTIAN sareng Sababaraha elmu Kanuragananu sifatna Henteu Logis.
Anu saenyana, lamun urang maké rupa Iket BARANGBANG SEMPLAK, lain harti nu makéna mangrupa Jawara Adu Jajatén, namung bis baé salaku JAWARA dina widang lianna.

RUPA IKET JEUNG KAGUNAAN KEUR JALMA

Rupa iket BARANGBANG SEMPLAK boga sifat  ngaluarkeun kesang, tur osok dilarapkeun dina rupa kagumbiraan atanapi kaayaan anu pinuh ku ngolah raga, diantawisna pencak, sisingaan, angklung, calung,  bajidoran, jst.

Lamun ditilik tur dihartikeun sacara tumaninah, rupa iket  BARANGBANG SEMPLAK  dibagi jadi 2 bagéan :

  1. Bagéan luhur anu muka, dihartikeun keur ruang ‘sirkulasi’ hawa di bagéan mastaka ngarah henteu kapanasan / kakekeb hawa panas anu kacida dina mangsa keur ngalakonan gawéan atanapi pancén anu kudu ngaluarkeun seueur tanagi, anu atukna urang bakal kesangan.
  2. Bagéan sisi gaduh fungsi kanggo nyerep kesang anu kaluar tina mastaka.

Jadi dina mangsa urang barang damel, kesang bakal babari kaserep tur bagéan  luhur mastaka bakal kenging ‘sirkulasi’ hawa anu maksimal.


BARANGBANG SEMPLAK DI LEMBUR ADAT / DI PILEMBURAN

Dina sapopoé tur kagunaan di sababaraha lembur adat, perkawis  maksud, harti ,tur mangsa pamakéan ngeunaan rupa iket ieu langkung seueur variasina, diantawisna nyaéeta:

  • Di Lembur Adat CIPTAGELAR, rupa iket ini dilarapkeun dina mangsa raraméan anu aya kasenian atawa keur ngalakonan pancén anu pinuh ku sumangat, conto keun maén angklung, debus, jst. Tur dina mangsa maén angklung réngsé, biasana rupa iket ieu diganti deui ku rupa iket anu lianna. Bisa diringkeskeun larapan rupa iket ieu ngan saharitaeun wungkul, tur dina sapopoé jarang pisan anu nganggo rupa iket  ieu.
  • Di Lembur Adat NAGA, rupa iket langki pisan dianggo, sabab sok langsung ‘ identik’ sareng JAWARA anu gandung harti Adu Jajatén, jadi anu ampir pasti teu kenging kanggo masyarakatna nganggo rupa iket ieu, tur ampir sami sareng di lembur adat DUKUH, KUTA sareng CIKONDANG.
  • Di Baduy atawa Kanékes, rupa iket ieu seueur pisan dipendakan tur dianggo dina sapopoéna, teur henteu ngajantenkeun pasualan dina hal  JAWARA atanapi sanes.


BARANGBANG SEMPLAK LAIN MOTIF

Aya sabaraha jalmi anu nyebat yén BARANGBANG SEMPLAK téh nyaeta ngaran MOTIF tina kaén, peryogi ditegaskeun, saenyana MOTIF  BARANGBANG SEMPLAK dugi ayeuna teu acan didamel tur teu acan mendakan, janten lamun aya anu ngical atanapi anu nganggo anu nyebatkeun BARANGBANG  SEMPLAK téh motif, mangka hal eta LEPAT PISAN.

Tangtosna BUYUT urang dina rupa iket ini moal  Sagawayah atanapi asal-asalan dina masihan nami, panginten aya maksad tur harti anu disumputkeun  dina rupa iket ieu anu jadi patanda /  siloka tur pangemut keur urang.  Dina hal ieu teu tiasa diudag ka sababaraha ratus atanapi rébu taun  katukang ngenaan harti anu saenyana dina filosofi / Siloka tina  BARANGBANG SEMPLAK. Namung anu pasti nyaéta, hayu urang jagi tur diwanohkeun deui, supados henteu tilem tur leungit dina budaya tur cicirén urang.


BEUNGKEUTAN BARANGBANG SEMPLAK

Dina prinsipnya rupa iket ieu  mangrupakeun iket anu panggampangna dina cara meungkeutna. Di sababaraha daerah jeung kabiasaan dipilah jadi 2 cara ngabeungkeutna,  nyaeta beungkeutan anu nyumput/ di jero, jeung katingali di bagéan luarna.

 

Barangbang Semplak Iket Luar

Barangbang Semplak Beungkeutan Luar



Dicutat Tina :
1. Pulasara Iket
2. Komunitas Iket Sunda (KIS)

Iklan

Posted on April 23, 2013, in Budaya Sunda, Iket Sunda. Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s

%d blogger menyukai ini: