Lilana Waktu / Sebutan tina Basa Sunda

Dina nangtukeun lilana waktu, aya istilah-istilah anu ilahar / biasa dipaké sapopoé. Dina ngagunakeun istilah-istilah ieu téh teu sakabéhna aya ukuran anu pasti lamun diukur maké ukuran lilana waktu saperti jam, menit, detik. Aya istilah anu dipaké pikeun nuduhkeun lilana waktu téh anu teu tangtu ukuranana lilana atawa henteu sarua ukuran lilana.

Istilah-istilah anu biasa dipaké pikeun nuduhkeun lilana waktu nyaéta diantarana waé:

  1. Sakilat, Nuduhkeun waktu anu kacida gancangna lir ibarat cahya kilat.
  2. Sakolépat, ampir sarua jeung sakilat. Nuduhkeun ka jalma atawa mangkeluk anu gancang pisan lumpatna atawa ilangna, teu katohyan ka mana-manana.
  3. Sajorélat, sarua jeung sakolepat.
  4. Sakiceup, dipaké nuduhkeun waktu anu sakeudeung pisan, sakumaha jelema anu ngiceup.
  5. Sakedét Nétra, sarua jeung sakiceup.
  6. Sakeudeung, nuduhkeun waktu anu teu lila.
  7. Sajongjongan, nuduhkeun waktu anu teu pati lila.
  8. Sapanyeupahan, nuduhkeun waktu anu lilana salila nyeupah.
  9. Sapangéjoan, nuduhkeun waktu anu lilana salila nyagu atawa ngéjo.
  10. Sapoé, nuduhkeun waktu anu lilana bisa 12 jam (beurang wungkul) atawa 24 jam (beurang peuting).
  11. Sapeuting Jeput, nuduhkeun waktu anu lilana sapeuting parat.
  12. Sapoé Jeput, nuduhkeun waktu anu lilana sarua jeung saputing jeput, ngan nuduhkeun waktu keur beurang.
  13. Sapoé sapeuting, nuduhkeun waktu 24 jam.
  14. Saminggu, nuduhkeun waktu 7 poé.
  15. Sabulan, nuduhkeun waktu 29 atawa 30 poé (kumaha itung-itungan bulan saperti kalénder).
  16. Matang puluh, nuduhkeun waktu anu lilana 40 poé. Biasana dipake pikeun nuduhkeun waktu hajat 40 poéna anu paéh.
  17. Natus, nuduhkeun waktu saratus poé. Dipake pikeun hajat 100 poé anu jalma paéh.
  18. Nujuh Bulanan, nuduhkeun umur kandungan anu nincak 7 bulan.
  19. Sataun, nuduhkeun lilana waktu 12 bulan.
  20. Sataun Landung, nuduhkeun waktu anu lilana sataun campleng (terus-terusan teu pegat-pegat).
  21. Sawindu, nuduhkeun waktu 8 taun
  22. Saabad, nuduhkeun waktu saratus taun.

Posted on May 13, 2013, in Diajar Basa Sunda. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: