PANYARAM JEUNG PAMALI

PANYARAMAN JEUNG PAMALI
Diguar ku : Jamjam Jamaksari
Dicutat tina : Atikan Basa Jeung Budaya Sunda
Baheula kolot urang sok aya basa anu mangrupakeun panyaram / larangan anu lumpatna kana pamali, ieu sababaraha basa anu biasa dikedalkeun kolot urang jaman baheula
  • Ulah dahar endog burung, matak burung kalakuan
  • Ulah dahar jantung, matak belet
  • Ulah dahar polo (otak), matak téréh huisan
  • Ulah dahar tunggir hayam, matak dipangnunggirkeun (disalingkuhan)
  • Ulah dahar maké pingping ngarangkep, matak dicandung
  • Ulah diangir soré-soré, matak maot dipangumbaraan /dipanyaba’an
  • Ulah ditiung ranggap, matak kotokeun
  • Ulah ditiung ku baju, matak hésé ngalahirkeun
  • Ulah diuk dina meja, matak loba hutang
  • Ulah diuk dina nyiru, matak unggah baléwatangan
  • Ulah diuk atawa ngalong dina lawang panto atawa bangbarung, matak nongtot jodo
  • Ulah héhéotan ti peuting, matak disampeurkeun maung
  • Ulah lalangiran, matak mondokkeun umur (paéh) nu jadi indung
  • Ulah lila teuing dicai, matak kalenger, jeung matak jomblo
  • Ulah mandi kurang lantis (teu banjur kabéh), matak dipacok oray
  • Ulah maké baju ngaléléké (baju sapotong/ kurang bahan), matak teu boga anak
  • Ulah méré ketan ka budak, matak cadél
  • Ulah nangkarak dina taneuh, matak kasambet/kasurupan atawa dilengkahan jurig
  • Ulah nepakkan tonggong, matak liar cacing (cacingeun)
  • Ulah ngadahar cékér hayam, matak goréng nulis (goréng aksara)
  • Ulah ngadahar cau sisina, matak kasingsal / kapiheulaan milik
  • Ulah ngadahar cau butitina, matak dihina batur
  • Ulah ngadahar cau runtuh, matak bangkrut usaha atawa buntu kalakuan (matak nganggur)
  • Ulah ngadahar sangu nu kasa’atan caina pangnyaguna, matak buntu usaha
  • Ulah ngageberan (ngahihidan) seuneu, matak katarik perkara (katempuhan teu puguh-puguh)
  • Ulah ngadékan tihang, matak katideresa
  • Ulah ngadiukkan bantal, matak bisul
  • Ulah ngaheureuyan / maéhan bangkong, matak muriang panas tiris teu puguh
  • Ulah ngaputan iket/ kopéah/ tiung/ topi, matak loba nu ngahina
  • Ulah ngerik kuku, matak dikoét / dikaut maung
  • Ulah nginum dina batok, matak goreng masamoan/ matak teu boga harga diri
  • Ulah nginum dina siwur, matak kawisaya deungeun
  • Ulah nginum notor kendi, téko; matak genténg beuheung budak
  • Ulah nguah dina coét, matak meunangkeun randa atawa duda
  • Ulah no’ong kana bilik, matak turuwisen
  • Ulah nyician cangkir/gelas pinuh teuing, matak dikulak deungeun
  • Ulah tatakolan ti peuting, matak diturutan jurig
  • Ulah saré teu maké bantal, matak hésé ngalahirkeun
  • Ulah sok ngahurun balung, matak loba kabingung/ loba kasusah
  • Ulah sok nutuan taneuh, matak torék
  • Ulah sok nyebut ngaran kolot, matak hapa hui
  • Ulah sok nyiduhan, matak jadi aul
  • Ulah sok nyo’o béas (khusus keur parawan), matak digadabah ku dahuan
  • Ulah ulin sareupna, matak dirawu kélong
Iklan

Posted on Oktober 8, 2013, in Kandaga Basa. Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s

%d blogger menyukai ini: