Rd. Déwi Sartika

Dewi-Sartika

 

Saban tanggal 4 Désémber, di Jawa Barat mindeng diayakeun Miléling Hari Dewi Sartika. Rd. Déwi Sartika  salah saurang Inohong anu ngarintis Pendidikan keur kaum wanoja, jeung mangrupakeun salah sahiji tokoh Pahlawan Nasional. Rd. Dewi Sartika milih perjuangan ngaliwatan atikan, nyaéta kalawan ngadegkeun sakola. Sagala rupa tangtangan, hususna di widang ngadanaan operasional sakola anu diadegkeunana mindeng disanghareupanana. Tapi ku alatan leukeun sarta katulusan haténa pikeun ngawangun masarakat nagarina, sakola anu diadegkeunana minangka sarana atikan kaum wanoja bisa nangtung terus, komo jadi panutan di wewengkon séjénna.

Raden_Dewi_Sartika

Foto Asli Rd. Dewi Sartika

Rd.Déwi Sartika dilahirkeun di Cicaléngka, 4 Désémber 1884. Sepuhna mangrupa salah saurang priyayi / gegedén di Tatar Sunda, nyaéta Radén Somanagara sareng Nyi Radén Raja Permas.

Ti taun 1902 Rd. Déwi Sartika geus ngadegkeun atikan pikeun kaum wanoja. Di hiji rohangan anu heureut pengkereun bumi sepuhna di Bandung, Rd. Déwi Sartika ngajar ka kulawargana anu papada wanoja. Ngarénda, popolah/masak, ngaput, maca, nulis jeung sajabana. Éta nu jadi pangajaran waktu harita.

sekolah-vandevende-bandung

Sakola Istri

Tanggal 16 Januari 1904 Rd. Déwi Sartika muka “Sakola Istri’’ anu munggaran sa-Hindia – Belanda. Ngagunakeun rohangan Pendopo Kabupatén Bandung. Pikeun nutupan waragad operasional sakola, manéhna tatahar néangan dana.

 

Dewi Sartika jeung murid-muridna

Rd. Dewi Sartika jeung murid-muridna

Taun1905 Sakola Istri ,terus meunang perhatian positif ti masarakat. Murid- murid nambahan loba, komo rohangan Pendopo Kabupaten Bandung anu diinjeum saméméhna ogé teu mahi deui nandéan murid-murid. Pikeun nungkulan, Sakola Istri ogé saterusna dipindahkan ka tempat anu leuwih lega, pindah ka Jalan Ciguriang, Kebon Cau.

Dewi sartika sareng Carogé

Dewi sartika sareng Raden Kanduruan Agah Suriawinata

Tahun 1906, Dewi Sartika ditikah ku Raden Kanduruan Agah Suriawinata, anjeunna ngagaduhan visi dan cita-cita anu sarua jeung Dewi Sartika, guru di sakola Karang Pamulang, anu mangsa harita mangrupakeun Sakola Latihan Guru (SPG lamun jaman kiwari mah).

Taun 1912 geus ngadeg dalapan Sakola Istri di kota-kota kabupatén. Naon anu dipigawé Dewi Sartika kalawan sakola di Bandung ieu kutan jadi pangajaran sarta tauladan pikeun wanoja di wewengkon séjénna. Di wewengkon Garut, Tasikmalaya atawa Purwakarta saterusna ngadeg ogé sakola sarupa. Kabéh kacapé éta henteu dipirasa tur henteu dijadikeun beungbeurat, tapi dijadikeun kepuasan batin alatan geus bisa ngatik kaumna. Salah sahiji anu nambahan sumangetna nyaéta pangrojong ti sagala pihak utamana ti Raden Kanduruan Agah Suriawinata, salakina, anu geus loba mantuan pikeun ngawujudkeun perjuanganana, boh tanaga boh pamikiran.

Sakola Kaoetamaan Istri

Sakola Kaoetamaan Istri

 

Taun 1914 ngaran sakola dirobah jadi “Sakola Kautamaan Istri”. Parobahan lain ngan dina ngaran waé, tapi materi pangajaran ogé nambahan. Anjeunna usaha satékah polah ngatik barudak wanoja ambéh jaga bisa jadi indung anu hadé keur kulawargana, bisa nangtung sorangan, luwes, sarta motékar. Mangka ku kituna, pangajaran anu nyambung kalawan pembinaan dina milampah laki-rabi lanu oba dibikeunana.

 

Taun 1920 di unggal kota jeung kabupatén nu kawengku wilayah Pasundan geus lengkep ngabogaan Sakola Kautamaan Istri.

Taun 1929 mangsa Perang Dunya I, mangrupakeun mangsa pangbeuratna pikeun Dewi Sartika dina nungkulan biaya keur sakolana. Tapi usaha anutaya reureuhna nganteur manéhna ngaliwatan éta kabéh. Taun harita ogé Sakola Keutamaan Istri  geus ngabogaan gedong sorangan. Dina bulan Séptémber 1929 nalika ngayakeun sukuran tepung taun anu ka-25 ngadegna sakola, ngaran Sakola Kautamaan Istri dirobah jadi “Sakola Déwi Satika”.

SekolahDewisartika

Sakola Dewi Sartika – Baheula

SD Dewi Sartika - Bandung

Sakola Dewi Sartika kiwari, di Jalan Kautamaan Istri No. 12 Bandung

Pamungkas, dina mangsa perang kamerdikaan, Dayeuh Bandung dicekel ku pasukan Walanda. Kabéh rahayat ngungsi. Dewi Sartika ogé kapaksa ngeureunkeun kagiatan Sakolana sarta milu ngungsi ka Cinéan Tasikmalaya.

Rd. Dewi Sartika masih bisa kénéh nungkulan kabébasan bangsana ti leungeun pangjajah sanajan kudu ngarasakeun manéhna leuwih loba di pangungsian. Mangsa ngungsi, anjeuna tilar dunya dina yuswa 63 taun, tanggal 11 Séptémber 1947.

Kiwari layonna dikurebkeun di Lingkung Makam Boepati Bandung, anu pernahna di Jalan Karang Anyar, Bandung.

Makam Dewi Sartika

Makam Rd. Dewi Sartika di Lingkung Makam Boepati Bandung

Ngingetkeun kana jasa-jasana dina ngawangun putri-putri bangsa, mangka pamaréntah Republik Indonésia nganugerahkeun gelar kahormatan ka anjeunna nyaéta : Pahlawan Kemerdekaan Nasional  tanggal 1 Desember 1966 sarta disahkeun ngaliwatan SK Présidén RI No.252 taun 1966.

Kiwari Museum ngeunaan Perjuangan Dewi Sartika, aya di Museum Juang Rakyat Jawa Barat, di Jalan Dipati Ukur Bandung.

Koleksi Baju Dewi Sarika

Titinggal Rd. Dewi Sarika – di Museum Juang Jawa Barat

Deaorama Dewi Sartika - 1

Deorama Dewi Sartika – di Museum Juang Jawa Barat

Deorama Sakola Kautamaan Istri

Deorama Sakola Kautamaan Istri – di Museum Juang Jawa Barat

 

Sakola Dewi Sartika kiwari, anu baheulana Sakola Kaoetamaan Istri, aya di Jalan Kautamaan Istri No. 12 Bandung.

Sakola Dewi Sartika - 1

Enter a caption

Sakola Dewi Sartika - 2

Enter a caption

Sakola Dewi Sartika - 3

Enter a caption

 

Patung Dewi Sartika nu aya di Taman Balaikota Bandung

Patung Dewi Sartika

1012740_4965097984977_2086638757_n

 

Andi Rustandi Sunarya
Dicutat tina sababaraha Pedaran

 

 

Iklan

Posted on Desember 3, 2013, in Inohong, Pahlawan Tatar Sunda, Sajarah. Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s

%d blogger menyukai ini: