Gatrik

Kaulinan Gatrik

Image

Gatrik mangrupa kaulinan tradisional masarakat Sunda. Dina mangsana kungsi jadi kaulinan anu populer di Indonésia. Gatrik nyaéta kaulinan jumplukan, diwangun ti dua jumplukan. Kaulinan ieu ngagunakeun pakakas ti dua potongan awi anu hiji nyarupaan iteuk ukuranana kira-kira 30 cm sarta séjénna ukuranana leuwih leutik. Kaulinan gatrik biasana dipigawé di lapang atawa tegalan. Jumlah pamaén saloba 2 tim, unggal tim diwangun ti 2-5 budak. Biasana dipaké batu (bata) minangka dadasar gatrik atawa barang séjén anu bisa dipaké minangka dadasar gatrik.

Kaulinan ieu diwangun ti tim paneunggeul sarta tim nu néwak. Gatrik ngagunakeun pakakas bantu mangrupa 2 potongan awi atawa kai, potongan panjang minangka paneunggeul sapanjang kurang leuwih 30 cm sarta potongan pondok sapanjang 10 cm.

Mimiti ulin
Pikeun nangtukeun tim anu leuwih tiheula ulin minangka paneunggeul, urang bisa ngalakonan suit, atawa melemparkan kai Gatrik pondok ka landasan di luhur batu. Saha anu ngabalangkeun manéhna tuluy asup atawa pang deukeut kalawan batu landasan, baris jadi tim paneunggeul.

Babak Kaulinan

Babak Kahiji nyaéta nyilangkeun gatrik pondok di luhur batu sarta siap dialung kalawan gatrik panjang. Tim nu néwak baris ngajaga aclengan / ngapungna gatrik pondok, lamun junun katéwak mangka giliran baris baganti. Lamun henteu bisa néwak, masih aya hiji kasempetan deui kalawan ngalungkeun gatrik pondok ka gatrik panjang. Lamun beunang, tim nu néwak baris tukeur tempati jadi tim paneunggeul. Lamun henteu ngeunaan gatrik panjang, mangka urang asup babak kadua.

Babak Kadua Gatrik panjang sarta pondok dicekel ku leungeun tuluy gatrik pondok ditakol satarikna ku gatrik panjang. Lamun katewak, tim nu ngajaga meunang miboga kasempetan pikeun ulin gatrik. Lamun henteu, tim nu ngajaga ngalungkeun gatrik pondok ngadeukeutan batu dadasar ambéh tim paneunggeul henteu miboga jarak antara gatrik pondok pikeun meunangkeun peunteun.

Babak Pamungkas nyaéta naon anu disebut patil lélé, nyimpen kalawan posisi nyangéyéng di dadasar batu. Takol bagian tungtung nepi ka ngacleng ka luhur, tuluy sagancangna ditakol leuwih tarik deui ka hareup. Tim nu néwak tetep ngabogaan tugas néwak gatrik pondok. Lamun henteu katéwak, tim paneunggeul baris neruskeun kaulinan kalawan nakol tungtung gatrik anu pondok gatrik pondok di luhur taneuh (kawas nakol bal golf tapi bari suku égang). Dina nakol gatrik pondok, dipigawé sacara estafet (lamun pamaén ke-1 gagal nakol, digantian pamaén ke-2, dst.). Jarak anu diukur kalawan gatrik pondok éta nangtukeun kameunang tim. Tim anu meunang biasana baris dihadiahan ku tim anu éléh kalawan diakod (digandong) numutkeun jarak jauhna gatrik pondok anu ditakol.

Kaulinan ieu merlukeun kalincahan sarta karikatan. Pamaén kudu ati-ati waktu maénkeunana alatan beuki gancang gatrik luncat, tim nu néwak kudu tapis pikeun ngahidar bisi kakeunaan kai gatrik. Cara ulin / paraturan ulin gatrik ieu di saban wewengkon bisa beda.

Dicutat tina sababaraha pedaran
Alih Basa : Andi Rustandi Sunarya

Posted on December 31, 2013, in Kaulinan Barudak Baheula. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: