KESEMEK, Si Buah Camérok

Image

Kesemek nyaéta ngaran sarupaning bungbuahan ti marga Diospyros. Pepelakan ieu dipikawanoh ogé kalayan sebutan buah kaki, atawa dina basa Inggris dingaranan Oriental (Chinese/Japanese) Persimmon. Ngaran ilmiahna nyaéta Diospyros kaki. (‘kaki’, basa Jepang, nyaéta ngaran zat tanin anu dihasilkeun ku buah ieu)

Tangkal kesemek ukuranana leutik nepi ka sedeng, 15 m atawa kurang, dioesis (dioecious, boga imah dua) sarta sakapeung monoesis, boga tangkal pondok sarta bararéngkok, réa dahan, sarta ngagugurkeun daun.

Daun dina dua jajaran, kasusun sulang-seling, boga gagang pondok +/- 3 cm, buleudr, buleud endog nepi ka jorong, 2,5-15 × 5-25 cm, héjo konéng ngagurilap.

HASIL SARTA KAGUNAANANA

Kesemek anu asak boga kelir antara gandola semu konéng nepi ka semu beureum sarta boga diaméter antara 2-8 cm. Buah ieu bisa didahar langsung dina kaayaan seger sanggeus diulasan ku cai kapur sarta dipeuyeum, ambéh rasa kesedna leungit. Buah ieu ogé bisa digaringkeun atawa dikokolakeun jadi selé, ager, és krim sarta nu séjén-séjénna. Buah kesemek seger ngandung 19,6% karbohidrat, utamana fruktosa sarta glukosa, 0,7% protéin, vitamin A sarta kalium.

Buah kesemek anu ngora ngandung zat tanin anu dingaranan tanin-kaki, anu ngabalukarkeun rasa kesed dina buah. Zat ieu baris ngurangan sajalan jeung asakna buah. Tanin-kaki dimangpaatkeun pikeun ngawétkan sagala rupa karajinan leungeun, mantuan produksi arak-béas di Jepang, sarta bahan ngubaran panyakit hiperténsi.

Buah kesemek loba dipaké minangka kadaharan diet / ngabegangkeun awak. Mangpaat buah kesemek nyaéta bisa ngajaga awak ambéh tetep langsing. Buah ieu pohara cocog pikeun anjeun anu keur ngalakonan diet. Serat anu kaeusi didina buah ieu pohara loba. Lamun remen mengkonsumsi buah kesemek ieu sapoé sakali, ieu baris nurunkeun resiko kakeunaan panyakit jantung. Buah ieu ngabogaan kandungan anu saeutik kalori sarta beunghar ku serat. Buah ieu ogé kaceluk bisa ngurangan pendarahan anu dibalukarkeun ‘pembuluh darah kecil’.

Buah ieu ogé ngabogaan kandungan vitamin C anu loba sarta pohara méré mangpaat pikeun kaséhatan awak. Vitamin C bisa mantuan ngamekarkeun resistensi awak ka infeksi. Sajaba ti éta, buah ieu ogé loba ngandung mineral anu alus..

Mangpaat séjén ti buah kesemek nyaéta bisa nyegah kanker, nyageurkeun paru-paru, ngurangan ‘penuaan dini’, nguatkeun limpa sarta loba kénéh deui mangpaat buah kesemek

Buah ieu pohara alus pikeun kaséhatan saupama dikonsumsi sacara rutin. Buah ieu ogé bisa panyakit panyakit kawas hipertensi / darah tinggi sarta mengi / asma.

 

ASAL-USUL SARTA SUMEBARNA

Kesemek asalna ti Républik Rahayat Cina, anu saterusna sumebar ka Jepang dina jaman purba sarta dibudidayakeun di ditu. KAdieunakeun buah ieu sumebar ka bagian séjén Asia, sarta dina mangsa pangjajahan Walanda dina taun 1800an dibawa ka Éropa kidul sarta Amérika (Kalifornia).

Buah ieu cukup penting dina talari Tiongkok jeung Jepang, ku kituna ajén komérsialna luhur di ditu mah. Kiwari komérsialisasi produksi kesemek geus ngarémbét sarta ngalegaan ka Selandia Anyar, Australia sarta Israél. Ékspor ti Israél ieu pisan anu dingaranan Sharon fruit.

Di Indonésia, Malaysia sarta Thailand, produksi kesemek umumna ngan mahi keur konsumsi lokal. Sumatera Utara, hususna wewengkon Brastagi, dina mangsa katukang kungsi sacara tetep ngirimkeun kesemek ka Singapura; tapi kiwari kaeureunkeun alatan kualitasna kadéséh ku kesemek produksi nagara-nagara séjén. Tempat-tempat séjén di Indonésia anu ngahasilkeun kesemek di antarana nyaéta Jawa Barat jeung Jawa Timur, di mana buah ieu dipelak di wewengkon-wewengkon nu luhur di pagunungan.

–ooOOoo–

 

Obah Basa : Andi Rustandi Sunarya
Dicutat tina :
– Wikipédia
– Verheij, E.W.M. sarta R.E. Coronel (eds.). 1997. Asal Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta

 

 

 

 

 

Posted on May 9, 2014, in Katuangan. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: