Sajarah Lapang Gasibu

Image

Lapang Gasibu

 

Lapang Gasibu nyaéta hiji ngaran lapang anu perenahna persis di peuntas Gedong Saté Bandung, Jawa Barat. Lapang ieu sabenerna henteu badag teuing, ngan leuwih badag saeutik dibandingkeun lapang maén bal. Lamun ditempo ti tata lokasi dayeuh, Lapang Gasibu mangrupa ahir ti jalan layang Pasteur – Cikapayang.

Posisi lapang ieu ogé nyambungkeun antara Gedong Saté jeung taman anu ngabentang nepi ka ka Kampus Universitas Padjajaran. Ku alatan éta, lapang ieu mindeng dijadikeun minangka tempat ngariung masarakat Dayeuh Bandung.


Gonta-ganti Ngaran

Saupama apal, dina buku anu dijudulan “Bandung: Kilas Peristiwa di Mata Filatelis, Sebuah Wisata Sejarah” karangan Sudarsono Katam Kartidiwirio, mangsa jaman Walanda, taneuh lapang éta ngaranna Wilhelmina Plein.
Dina taun 1950-an, lapang ieu ngaranna Lapang Diponegoro. Saterusna di taun 1955, lapang ieu robah ngaran jadi Lapang GASIBU anu mangrupa singketan tiGabungan Sepak Bola Indonesia Bandung Utara”.


Sajarah
Lapang Gasibu

Saprak taun 1920-an, wewengkon Dayeuh Bandung kakara diwangun. Pamaréntahan Hindia Walanda dumasar raadbsluit 18 Désémber 1929, dina 25 Januari 1930 maheutkeun rarancang kontruksi sarta denah tata lokasi Gouvernement Bedrijven atawa dipikawanoh kalayan ngaran Gedong Saté minangka puseur pamaréntahan Propinsi Jawa Kulon. Lega wewengkon Gedong Saté ieu 27.000 m2.

Wewengkon salega éta geus ngawengku lapang Gasibu nepi ka Monumen Perjuangan (Monju) Jawa Barat. Ngaran Gasibu asalna ti singgetan Gabungan Sepak Bola Indonésia Bandung Utara, anu mangrupa wadah ti klub-klub maén bal di wewengkon Bandung Utara. Cacak henteu écés iraha Gasibu ieu dijieun, tapi gedé kamungkinan henteu lila sanggeus diwangunna Persatuan Sepak Bola Indonésia bandung (Persib) dina 14 Maret 1933.

Numutkeun Pak Sudarsono, dina taun 1953, sakumna anu micinta maén bal di Bandung mindeng pisan ngahelar pertandingan maén bal di hiji lapang di wewengkon Badaksinga. Tapi, ku Pamaréntah Dayeuh Bandung, tempat éta diwangun proyék cai bersih. Mangka, nu ngayakeun pertandingan maén bal ménta idin pikeun maké Lapang Diponegoro minangka tempat latihan maén balna.

Tah, alatan mindeng dijadikeun tempat latihan maén bal, pamustunganana lapang éta ganti ngaran jadi Lapang Gabungan Sepak Bola Indonésia Bandung Utara atawa anu ayeuna dipikawanoh ku sebutan GASIBU. Dina taun 1960-an, lapang kasebut kungsi jadi wewengkon tempat ancik liar. Tuluy, Pamaréntah Dayeuh Bandung mulangkeun fungsi lapang kasebut minangka tempat latihan maén bal.


Gasibu Ayeuna

Saha di antarana anu yeu acan apal tur teu acan kungsi ka Lapang Gasibu? Ku kituna, lamun liwat di payuneun Gedong Saté, coba titénan hiji lapang lega di peuntasna. Tah, éta pisan anu katelah Lapang Gasibu.

Dina poé gawé atawa poé biasa, Lapang Gasibu henteu ubah meujeuhnana jalanan sarta lapang biasa, ngan sababaraha kumpulan jalma atawa barudak anu ulin di sabudeureun lapang ieu. Tapi dina poé Minggu atawa poé peré séjénna, wewengkon ieu ngajanggélék jadi sagara manusa sarta pinuh ku anu dagang. Sebutan anu mindeng disebutkeun pikeun kajadian ieu téhpasar kagetatawapasar dadakan”.

Tempat ieu jadi puseur karaméan ti Kota Kembang, sakumna masarakat Bandung kawas bahé minuhan lapang ieu. Anu dagang kadaharan nepi ka jeung anu dagang pakéan ogé ulubiung ngadu nasib di tengah karaméan ieu, tangtu waé salah sahiji anu nyedotna nyaéta harga anu ditawarkeun ku nu daragang ieu laér leuwih murah dibandingkeun harga toko umumna. Sajaba ti éta Urang bisa ngalakonan sagala rupa aktifitas di Lapang Gasibu ieu, gumantung naon anu Anjeun resep.

Kiwari saban minngu Lapang Gasibu geus teu heurin deui kunu dagang, sabab geus diperenahkeun deui fungsina ku Pamaréntah Propinsi Jawa Barat dina taun 2014.

Dina mangsa Lebaran (Idul Fitri jeung Idul Adha) lapang ieu dipaké ker ngalakonan Sholat Ied anu dikokolakeun ku Pamaréntah Propinsi Jawa Barat. Ogé sok dipaké Upacara Kanagaraan.

Alatan posisina anu strategis sarta bener-bener persis di peuntas Gedong Saté, lapang ieu mindeng dipaké minangka sagala rupa acara kasenian, hiburan rahayat, upacara, jeung sajabana.

 

Image

Poé Minggu di lapang Gasibu saméméh ditartibkeun tinu dagang

 

Image

Poé Minggu di lapang Gasibu Kiwari, saréngséna dibebenah

 

Image

Sholat Ied anu dilaksanakeun di lapang Gasibu

 

Image

Upacara Kanagaraan anu dilaksanakeun di lapang Gasibu

 

Obah Basa : Andi Rustandi Sunarya
Dicutat tina :
– Panduan Wisata Bandung : (http://bandung.panduanwisata.com/cuci-mata-di-lapangan-gasibu-bandung/)
– News Detik.com : (http://news.detik.com/bandung/read/2008/11/25/113036/1042475/486/lapangan-gasibu-dulu-bernama-wilhelmina)
– Koran Sindo (http://www.koran-sindo.com/node/300064)

Posted on May 20, 2014, in Sajarah. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: