Derenten jeung Sajarah Kebon Binatang Bandung

Image

Tempat pelesir di Bandung memang pohara loba jumlahna. Objek wisata alam sumebar di sabudeureun Dayeuh Bandung, puseur dayeuh tatar Parahyangan Jawa Barat. Di Bandung Dayeuh, Kebon Binatang Sato Bandung kaasup salah sahiji obyek wisata di Bandung anu sok mundel nu datang dina poé Sabtu – Minggu sarta poé peré. Nu datangna teu saukur urang Bandung waé tapi loba ogé anu ti luar Bandung kawas Garut, Tasikmalaya, Subang, Sumedang, Garut, sarta Purwakarta.

Kebon Binatang Bandung tempatna strategis alatan masih di tengah Dayeuh Bandung. Di sabudeuereun Kebon Sato Bandung, urang bisa sekalin nyimpang ka Institut Téknologi Bandung (ITB) di Jalan Ganesha 10 sarta Taman Ganesha anu ogé mangrupa taman konservasi manuk. Pikeun balanja, cukup muter babakan Siliwangi sarta urang geus nepi ka di Jalan Cihampelas. Loba distro pakéan jeung harga murah di ditu.

Sajarah Kebon Binatang Bandung

Kebon Binatang Bandung geus sababaraha-kali ganti ngaran sarta nu ngokolakeun. Baheulana, kebon binatang Bandung ngaranna Derenten (sunda: dierentuin) anu hartina kebon sato. Namung ku nu pangadegna nyaéta pamaréntah kolonial Walanda nyebutkeunana kalayan ngaran Jubileumpark anu dikokolakeun ku Bandung Zoological Park (BZP). Hal ieu alatan loba urang Walanda anu cicing di Bandung minangka puseur pamaréntahan di Jawa Barat. Ngaran Derenten-dierentuin-jubileumpark ieu diresmikeun taun 1930.

Kebon Sato Bandung ieu dina awalna dipikawanoh kalayan ngaran Derenten (dina basa sunda, dierentuin) anu hartina kebon sato. Kebon Sato Bandung diadegkeun dina taun 1930 ku Bandung Zoological Park (BZP), anu dibalakan ku Diréktur Bank Dennis, Hoogland. Diresmikeun ngadegna Kebon Binatang ieu diwenangi ku Gubernur Jenderal Hindia Walanda sarta pengesahanana dikaluarkeun dina kaputusan 12 April 1933 No.32. Dina mangsa Jepang ngawasa wewengkon ieu, tempat wisata ieu kurang kaurus, nepi ka dina taun 1948, dipigawé rehabilitasi pikeun mulangkeun fungsi tempat wisata ieu.

Minangka bukti yén kebon binatang Bandung minangka tempat pelesir urang Walanda nyaéta yén mangsa Jepang ngajajah Indonésia, kebon binatang ieu diingkeun henteu kaurus nepi ka taun 1948. Saréngséna kamerdikaan Republik Indonésia, pamaréntah satempat ngalakonan rehabilitasi sarta ngaganti BZP jadi Yayasan Marga Satwa Tamansari dina taun 1957, ieu mangrupakeun hasil tatahar ti R. Ema Bratakoesoema ti taun 1956. Ngaran Tamansari sorangan dicokot alatan lokasi kebon binatang perenahna di jalan Taman Sari Bandung.

Laér saméméh aya Kebon binatang Bandung, tiheula kungsi aya kebon binatang Cimindi di Cimahi sarta kebon binatang Dago. Nginget beuki lobana koleksi sato sarta jumlah nu datang mangka kadua kebon binatang kasebut dialihkeun ka jalan Tamansari.


Derenten jeung R. Ema Bratakoesoema

Image

R. Ema Bratakoesoema

DERENTEN nyaéta sebutan basa Sunda pikeun Kebon Binatang Bandung. Kecap dina basa Sunda éta saéstuna diserep ti basa Walanda.

“DIERENTUIN” (taman satwa : Indo) anu diwangun dina taun 1930 ku urang Walanda ngaranna Hoogland babarengan saurang pituin Sunda ngaranna R. Ema Bratakoesoema (kalahiran Baregbeg, Kab. Ciamis taun 1901) kalayan modal udunan, dihandap hiji paguyuban ngaranna Bandoengsch Park (BZP). Meunang pangtrojong Gubernur Hindia Walanda No.32 dina 12 April 1933, anu legana kurang leuwih 14 ha sarta nepi ka kiwari tacan robah.

Saméméh kamerdikaan, sabot Jepang datang ka Indonésia dina warsih 1942, Hoogland balik ka Walanda. Saprak harita anu ngokolakeun Kebon Binatang Bandung dipigawé ku R. Ema Bratakoesoema jeung balad-baladna, nepi ka Indonésia merdika dina 1945. Taun 1957 Hoogland datang balik ka Indonésia, tapi geus henteu moboga niat ngokolakeunana deui. Manéhna nalatahan ka R. Ema Bratakoesoema ambéh neruskeun ngokolakeunana sarta ménta balik duit urut kongsi ngadegkeun Taman Satwa. Paménta éta kudu diperjuangkeun ku R. Ema Bratakoesoema kalayan ngajual sajumlah kakayaanana boh di Baregbeg Ciamis boh anu aya di Bandung sarta dina waktu nu tangtu paménta kasebut bisa dipinuhan.

Saprak waktu éta BZP ku para nu pangurus sarta anggahotana sajumlah urang Walanda sarta Indonésia dibubarkan. Derenten jadi murni milik R. Ema Bratakoesoema. Saterusna R. Ema Bratakoesoema ngadegkeun Yayasan Margasatwa Tamansari (Bandung Zoological Garden) dina 20 Pebruari 1957 dumasar Akta Pendirian No. 44 minangka wadah hukum ti Notaris Tan Eng Kiam anu saterusna disahkeun dina Lembaran Nagara No. 96/9 Nopémber 1963 anu dipikawanoh minangkaKebun Binatang Tamansari Bandung”. Yayasan kasebut geus dianyarkeun luyu jeung Undang-undang No. 25 taun 2005 ngeunaan Yayasan kalayan meunang pangesahan Menteri Hukum sarta HAM no.32 taun 2012, Lembaran Nagara No. 10 tanggal 2 Pebruari 2010.

Warsih 1984, R. Ema Bratakoesoema maot. Anjeunna nalatahan ka kulawargana, sangkan seni ketuk tilu kudu terus témbong saban minggu di kebon binatang. Sajaba boga maksud pikeun ngalastarikeun budaya Sunda, hal éta ogé pikeun ngahibur anu datang ka kebon bintang.


Fungsi / Kagunaan Kebon Binatang Bandung

  • Fungsi kabudayaan. Kebon Binatang Bandung minangka tempat rekreasi anu dijerona aya wahana pergelaran seni budaya, tinangtu miboga fungsi kabudayaan, nyaéta bisa nerapkeun kasadaran sarta rasa asih lemah cai ngaliwatan panalungtikan sarta pamahaman kakayaan budaya, sarta panalungtikan tur pamahaman kakayaan flora sarta fauna.
  • Fungsi atikan sarta Ipték. Kebon Binatang Bandung mangrupa hiji wahana anu bisa dimangpaatkeun ku golongan edukatif pikeun nambahan kanyaho sarta pikeun ngahasilkeun pangaweruh anyar anu méré mangpaat sarta kapaké pikeun kahirupan masarakat. Kebon Bintang Bandung ieu ogé bisa dimangpaatkeun minangka obyek riset atawa panalungtikan di sagala rupa kaélmuan.
  • Fungsi panangtayungan sarta ngalestarikeun / ngamumulé kakayaan alam. Kebon Binatang Bandung minangka tempat di mana wahana flora sarta fauna dimekarkeun sarta dilestarikeun, panceg pikeun ngajaga sarta ngalastarikeun sagala rupa satwa flora sarta fauna jeung tujuan ngajaga kakayaan alam.
  • Fungsi rekreasi. Kebon Binatang Bandung tinangtu miboga fungsi keur tempat rekreasi/piknik pikeun masarakat.

 

Eusi Kebon Binatang Bandung

Pikeun ngarojong kebon sato Bandung minangka tempat rekreasi kulawarga, nu datang bisa ngarasakeun wahana rekreasi anu disadiakeun kawas wewengkon ulin barudak, flying fox, sarta kolam parahu. Urang ogé bisa nempo musieum satwa awetan di musieum, sato jenis ieu biasana anu geus paéh. Pikeun ngalengkepan rekreasi, urang bisa naék Gajah atawa Onta.

Koleksi anu dipiboga kebon sato Bandung diantarana manuk merak, beruang, komodo, gajah, maung, tapir, kijang, onta, zebra, buaya muara, sarta primata. Primata aya orang utan, siamang, sarta primata asli Jawa Barat anu kaancam béak.

Sato ti luar nagari (mancanagara) ogé didatangkan pikeun ngalengkepan koleksi kawas beruang coklat, maung bodas Benggala, monyet Jepang, sarta Jaguar. Cacak ngan ngabogaan kira-kira 1800 buntut satwa ti 220 jenis satwa, kebon sato Bandung kagolong ngabogaan koleksi anu pepek sarta kaurus kalayan alus. Bisa urang tingali hiji miniatur ekosistem dina hiji kandang badag. Di kandang ieu aya oray, éntog, lauk, balong, iguana, tangkal sarta sato leutik séjénna anu mangrupa palengkep rantai kadaharan pepek.

Lokasi Kebun Binatang Bandung

Lokasi Kebun Binatang Bandung

 

 

Obah Basa : Andi Rustandi Sunarya
Dicutat tina sababaraha pedaran :
– Kebun Binatang Bandung (http://obyekwisataindonesia.com/kebun-binatang-bandung/)
– Wikipedia : Kebun Binatang Bandung (http://id.wikipedia.org/wiki/Kebun_Binatang_Bandung)
– Stumble Upon : Derenten Kebun Binatang Bandung (http://www.stumbleupon.com/su/2q8rIb)

Posted on June 20, 2014, in Sajarah. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: