Galah Ulung siloka tina Sabilulungan

Galah Ulung
 
Galah Ulung / Galah Asin kaasup salah sahiji kaulinan tradisional Indonésia anu ogé dipaénkeun di nagara séjén. Di Indonésia sorangan kaulinan ngabogaan ngaran pangsoranganna disaban wewengkon, tapi tetep dina aturan sarta cara ulin anu sarua.
Di sababaraha wewengkon kaulinan ieu disebut ogé : Galasin, Galah Asin (Jawa Barat), Gobak Sodor, Sodoran (Jawa tengah), Main Asing (Makasar), Galah Panjang (Kepulauan Riau), Cak Bur / Main Belon (Riau Daratan), Galah (Kepulauan Natuna), Hadangan (Jakarta), jeung réa-réa deui. Saurang pamaén ngalalakon minangka peluncur (kaptén). Kecap Gobak Sodor boa-boa nyokot tina basa Inggris “Go back to the door”.

Kaulinan ieu ngabogaan harti sorangan dina saban pamaénna, biasana kaulinan ieu dipaénkeun dina waktu jam reureuh sakola, dina wanci soré di pilemburan, sarta tangtu waé kaulinan anu dipikaresep ku barudak ieu bisa ogé pikeun ngalatih sagala rupa kapinteran,  katarampilan ka diri barudak utamana pikeun fisik budak. Contona : Katangkasan, Strategi, Kapinteran, Kacingcengan / kalincahan, Karikatan / kecepatan, sarta unggut reflek ka budak, tangtu waé kakompakan henteu leupas dina kaulinan ieu. Malah jalma dewasa ogé ngabogaan hak kaur maénkeun kaulinan ieu.

Kaulinan ieu téh hiji mangrupakeun siloka tina Sabilulungan (kerja sama), kaasup ogé kaulinan grup anu diwangun ti dua grup, di mana unggal tim diwangun ti 3 – 5 jalma. Inti kaulinanana nyaéta ngahalangan lawan ambéh henteu bisa leupas ngaliwatan gurat ka jajar pamungkas sacara bolak-balik, sarta pikeun ngahontal kameunang sakumna anggota grup kudu sacara pepek ngalakonan prosés bolak-balik dina lapang anu geus ditangtukeun.

Kaulinan ieu biasana dipaénkeun di lapang badminton, lapang volly kalawan nuturkeun gurat-gurat anu aya atawa bisa ogé kalawan ngagunakeun lapang masagi kalawan ukuran 9 x 4 m anu dibagi jadi 6 bagian. Gurat wates ti saban bagéan biasana dibéré tanda ku kapur. Anggota grup anu meunang giliran pikeun ngajaga lapang ieu kabagi dua, nyaéta anggota grup anu ngajaga gurat wates horisontal sarta gurat wates vertikal. Pikeun anggota grup anu meunangkeun pancén pikeun ngajaga gurat wates horisontal, mangka maranéhanana baris usaha pikeun ngahalangan lawan maranéhanana anu ogé usaha pikeun ngaliwatan gurat wates anu geus ditangtukeun minangka gurat wates leupas. Pikeun anggota grup anu meunangkeun pancén pikeun ngajaga gurat wates vertikal (umumna ngan saurang), mangka jalma ieu miboga aksés / lawang pikeun sakabéh gurat wates vertikal anu perenahna di tengah lapang. Kaulinan ieu pohara ramé tur pikaresepeun sakaligus pohara hésé alatan saban jalma kudu bisa ngajaga sarta lumpat sagancangna lamun diperlukeun pikeun ngahontal kameunangan.

Aturan kaulinanana sorangan pohara gampang pikeun dilarapkeun, katut pedaran singgetna:

  1. Diwangun ti 2 Tim saloba 5 jelema pamaén sarta 3 anco/cadangan atawa leuwih.
  2. Pamaén anu jadi nu ngajaga dikudukeun ngajaga saurang pamaén lawan, sarta anu ngabogaan tugas dina gurat tengah ngatur kabéh gerakna lawan (ningker lawan).
  3. Kaulinan dinyatakeun réngsé atawa baganti jaga dina waktu pamaén anu ngajaga nyabak anggahota awak pamaén lawan atawa sabalikna.
  4. Saban kaulinan diwatesan ku waktu sarta babak kaulinan, waktu kaulinan gumantung ti juri/wasit anu mingpin / kasapukan ti sakabéh pamaén.
  5. Kaulinan dinyatakeun meunang saupama ngahontal kameunang panglobana dina waktu kaulinan anu ditangtukeun.
  6. Pikeun ukuran tempat kaulinan maranéh bisa maké lapang badminton / volly anu dibagi kana 6 rohang, atawa bisa kalawan ukuran anu maranéh ditantukeun sorangan.

 

Galah Ulung di tempat anu ngahaja dijieun

Galah Ulung di tempat anu ngahaja dijieun

Galah Ulung di lapang Badminton

Galah Ulung di lapang Badminton

 
 
—ooOoo—
 

Obah Basa : Andi Rustandi Sunarya

Dicutat tina:
– Wikipedia : id.wikipedia.org/wiki/Galah_asin
– Wikibooks : http://id.wikibooks.org/wiki/Permainan/Berkelompok/Gobak_Sodor
– Galeri Penjas : http://galeripenjas.blogspot.com/2013/05/permainan-hadanggobak-sodor-hadang.html

Posted on September 2, 2014, in Kaulinan Barudak Baheula. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: