Buah Namnam

Tangkal Namnam

Tangkal Namnam


Obah Basa : Andi Rustandi Sunarya

Dicutat tina sababaraha Pedaran

Namnam atawa anjing-anjing atawa sawo pancukan nyaéta ngaran sajenis tangkal buah ti suku polong-polongan (Leguminosae landian Fabaceae). Tangkal anu buahna haseum ieu dipikawanoh ogé kalawan sababaraha ngaran séjén kawas namu-namu (Manado), namo-namo (Ternate), namet (Halmahera), namute, lamute, lamuta, klamute (sababaraha basa di Maluku tengah). Ogé puki anjing (Malaysia), pukih (Sunda.), kopi anjing (Sunda, Jawa), puci anggi (Bima), puti anjeng (Makasar).

Ngaran ilmiahna nyaéta Cynometra cauliflora, ngarujuk dina kembang sarta buahna anu mecenghul dina watang (cauliflory).

TANGKAL LEUTIK / PERDU

Perdu atawa tangkal leutik, jangkungna antara 3 – 15 m. Watang ngabonggol, kalawan kulit watang anu lemes aya bintilan kawas kutil, kacoklatan atawa hawuk. watangna rada rapet, kalawan régang anu pungkal-péngkol zigzag.

Tangkal Namnam Leutik

Tangkal Namnam Leutik

“Daun majemuk” kalawan sapasang anak daun, catangna 2 – 8 mm. Anak daun bénjol nepi ka buleud endog doyong henteu simetris, 5,5 – 16,5 cm x 1,5 – 5,5 cm, ampir teu watangan, kawas jangat, ngagantung, héjo kolot ngagurilap. Daun ngora boga kelir bodas atawa beureum jambu caang, ngagantung leuleus sarupa saputangan.

Daun Namnam

Daun Namnam

Kembang mangrupa turuy leutik kalawan ngéntép daun nu nutupan, 4 – 5 turuy metet dina tonjolan-tonjolan anu kaluar tina watang, nepi ka deukeut ka taneuh. Kembangna leutik; kelopakna boga kelir beureum jambu sepa atawa bodas, babagi dina jadi 4, panjang taju kelopak 2 – 4 mm; makuta wangun lanset, bodas, 5 lambar, panjang 3 – 4 mm. Benang sari ucul-ucul, 8 – 10 lambar; tangkai putik. 5 – 6 mm.

Kembang Namnam

Kembang Namnam

Buah Namnam Ngora

Buah Namnam Ngora

Buah polong anu dagingna kandel, ngarupakeun ginjal kérod boga tungtung méncos, 3 – 9 x 2 – 6 x 1 – 4 cm, ngagantung dina watang, coklat sisikan sabot ngora sarta semu héjo atawa kakonéngan lamun asak, haseum nepi ka amis haseum. Sikina nunggal, ngawangun ginjal gepéng, 3 – 6 x 2 – 4 cm.

Buah Namnam

Buah Namnam geus dipesék

PAMAKÉAN JEUNG KAGUNAAN

Tangkal namnam dipelak jalma minangka pepelakan hiasan pakarangan atawa pikeun dicokot buahna. Buah anu asak rasana amis haseum seger, didahar langsung atawa minangka bahan rujak, asinan, sarta manisan. Bisa ogé dijadikeun campuran sambel.

Buah namnam ogé boga khasiat minangka ubar mencrét sarta buahna pikeun nyegerkeun awak. Buah namnam dimangpaatkeun minangka bahan keur nyieun sirup.

Kaina mundel sarta boga kelir sepa, tapi teu loba gunana. Kai anu teuas dina bagian nu tangtu ieu mindeng dijieun jadi gasing.

ASAL-USUL SARTA SUMEBARNA

Asal-usulnya teu kitu écés, tapi kira-kira ti wewengkon Malaysia wétan. Namnam dipikanyaho dipulasara jalma di India, Asia Tenggara sarta Kapuloan Nusantara. Tapi nurutkeun katerangan ti LIPI, namnam aya ti India, Malaysia nepi ka Indonésia. Dipelak ogé di wewengkon-wewengkon séjén di Asia Tenggara. Tumuwuh alus dina dataran landeuh sarta taneuh anu subur. Manéhna mikaresep tempat-tempat kabuka sarta rata. Di Sulawesi, dipikawanoh dua jenis namnam anu dipelak jelema anu rasana éta diwangun luhur dua rasa, amis sarta asam. Tapi, pembudidayaan varietas namnam tacan meunang perhatian. Ayeuna, mimiti arang dipanggihan.

–ooOoo–

Posted on December 1, 2014, in Katuangan. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: